శివోహం

శివా!కన్నీటి దారల కడలి సృష్టించావా

కలతల మాదిరి కెరటాలు తెలిసేను

లవణ మాత్రముగ రుచిని తెలిసేను

మహేశా . . . . . శరణు .

శివోహం

శివా!లుకలుకలు కూడినవే లౌకిక బంధాలు

తికమకలు పెట్టేవే జీవిత పయనాలు

లుకలుకలు రాలనీ ,తికమకలు తొలగనీ 

మహేశా . . . . . శరణు .

శివోహం

కాలాన్ని తిట్టిపోయక తప్పట్లేదు...

అమాయకత్వం నటించడం నేర్పనందుకు.

ఓం నమః శివాయ.

శివోహం

ఈ ప్రకృతి అంతా ఈశ్వరుడే...

ఈ సృష్టి అంతా ఈశ్వరుడే.

ఈ సృష్టి అంతా సద్గురు

ఓం శివోహం... సర్వం శివమయం.

శివోహం

సృష్టికే మొట్ట మొదటి వాడు...

సమస్త దేవతలచే పూజలందుకున్న వాడు...

భక్తుల కోర్కెలు తీర్చు బోళా శంకరుడు...

సృష్టిస్తాడో ,సంపాదిస్తాడో ,భిక్షమే ఎత్తుతాడో కానీ ఇస్తూనే ఉంటాడు బోళాశంకరుడు....

మహాదేవా శంభో శరణు.

ఓం నమో నారాయణ

భక్తి కోసం, జ్ఞానం కోసం చేసే సాధనలలో భగవంతుడున్నాడని విశ్వాస ముండాలి. ఆయనతో ఐక్యమవడమే లక్ష్యంగా చేసుకోవాలి.

చాలామంది భగవంతుడున్నాడని నమ్ముతారు గాని, దైవేచ్ఛ ప్రకారం నడచుకోరు. అందువలన దైవం గురించి వివరమైన దృఢమైన అవగాహన ఉండాలి.

 ధన, శ్రమ, అవయవ దానాల వంటి త్యాగబుద్ధి ఉండాలి. ఇందులో ‘‘నేను చేశాను’’ అనే అహంకారం తలెత్తరాదు. అందరిలోనూ భగవంతుడున్నాడనే భావనతో ‘నారాయణసేవ’గా చేయాలి.

 భగవంతుని పూజించడం, జప, తప ధ్యానాలన్నీ నియమబద్దంగా, క్రమ శిక్షణతో దీక్షగా చేయాలి.

కర్మకాండయందు అంతరార్థ మెరిగి చిత్తశుద్ద్ధితో చేయాలి.

 చేయకూడని పనులు చేయరాదు. అట్టి ఆలోచన వచ్చినంతనే సిగ్గుపడి, పశ్చాత్తాపపడి, నిగ్రహించుకోవాలి.

సత్యవ్రతం, అహింసా వ్రతం, బ్రహ్మచర్య వ్రతం, అపరిగ్రహ వ్రతం, మౌనవ్రతం వంటివి, ఉపవాసాలు వీలునుబట్టి, వాటి యొక్క అర్థం తెలిసి చేయాలి.

ఇవన్నీ మనలను మనం క్రమశిక్షణలో పెట్టు కోవడానికి అవసరమౌతాయి. అంతేగాని ఈ పనులు నేరుగా భగవంతుని వద్దకు చేర్చవు.

ఓం నమో నారాయణయ నమః

ఓం పరమాత్మనే నమః

శివోహం

భౌతికమైన బంధాలన్నీ శాశ్వతం కాదని,

మొదలో,మధ్యలో,తుదలో 

వదిలి వెళ్ళిపోవాలని,వెళ్ళిపోతాయని

నీతో బంధం ఒక్కటే శాశ్వతమని తెలుసుకున్నా ఈశ్వరా!

నీలో పుట్టి,నీతోడుగా పెరిగి,

నీలో చేరిపోయే నీ శిశువుని,

నువ్వే ఆలోచన,నువ్వే ఆచరణ

నువ్వే అంతా,నాబాట సరిచేసేది నీవంతు!

నీనామస్మరణ మాత్రమే నావంతు!

మహాదేవా శంభో శరణు.