శివోహం

 శివా!మంచు కొండలు కాస్త వీడి రావయ్యా

వెచ్చనైన నా గుండెలో విడిది చేయవయ్యా

వాసయోగమే నీకు వచ్చి చూడవయ్యా

మహేశా  . . . . . శరణు.

శివా!నర జన్మమొస్తే నాయనారు నవుతా

ఇతర జన్మమైతే  శ్రీకాళహస్తి గుర్తెరిగిస్తా

ఏ జన్మమైనా  నీ ధ్యాసలోనే

మహేశా . . . . శరణు .

శివా!నీ పాద ధూళిగా పరవసించేను

భస్మమై నేను, నీ దేహాన భాసించేను

భాగ్యమే నాదిగా భవపాప హరా

మహేశా . . . . . శరణు .

శివా!జల్లెడ లాంటి జడల మధ్య

జారుతున్న గంగ నెటుల బంధించావు

జలము జడమయ్యిందా జగధీశా

మహేశా . . . . . శరణు

శివా! నా పాప పుణ్య ఫలములు

సుఖ దుఃఖ రూపాన నిశ్శేషంగా

వ్యయమనీ నీలో లయమవనీ

మహేశా . . . . . శరణు