శివోహం

శివా!నిను మోపున దాల్చిన మోక్షమని

నీ రూపును దాల్చి మురిసాను

అను నిత్యం నిన్నే తలచాను

మహేశా . . . . . శరణు .

శివా!శ్వేత వర్ణ రూపాన శోభించేవు

కంఠాన నీలి వర్ణ చాయనుంచేవు

కామిత ఫలములు మాకందించేవు

మహేశా . . . . . శరణు .

శివా!సదా పద్మాసనమున చూచు నిన్ను

వీరాసనమున చూడ మాకు వేడుకాయె

మన్నించినావయ్య మా మనసు తెలిసి

మహేశా . . . . . శరణు .

శివా!వేణువెరుగగ వచ్చు విష్ణు రూపునకు

నాద మెరుగగ తెలిపి మురియ జేసి

వేణు గానము మాకు మిగుల జేసావా

మహేశా . . . . . శరణు .

శివా!పండ్లు కాయలు నీకు అర్పనము చేయ

కామ్య ఫలము మాకు వొసంగి

నంది కొకరీతి ఆ పండ్లు అందజేసావా

మహేశా . . . . . శరణు .

శివా!నీ పదమంటిన పరమపదమే

ఆ పదమంటగ మరి ఏది పదము

ఆ పదము తెలియ ఓ పదము విడుము

మహేశా . . . . . శరణు .