శివోహం

శివా!నీ గుడిలో దీపంగా నన్ను వెలగనీ

నా గుండెల్లో దీపంగా నిన్ను తెలియనీ 

ఆ వెలుగు బాటలో నే గమ్యం చేరనీ

మహేశా .....శరణు.

శివోహం

శివా ! 

నేనో పశువుని...

నీవు పశుపతివి...

ఇంతకంటే ఏం కావాలి సంబంధం...

నాపై నీవు దయ చూపించటానికి...

మహాదేవా శంభో శరణు.

శివోహం

కష్ట సుఖాలలో సుఖసంతోషాలలో

తోడునీడగా నిలిచినవాడే నిజమైన స్నేహితుడు...

శివ నీతో ఈ స్నేహం ఈనాటిది కాదు...

ఎన్ని తీరాలు దాటినా

ఎన్ని తరాలు గడిచినా

నిరంతరం మనలను కాచి కాపాడుతుంది మనసున్న

మహాదేవుడు....

మహాదేవా శంభో శరణు.

శివోహం

శివా!నీవు కాస్త మనసు పెట్టు

నా మనసును మట్టుబెట్టు

వేరేమైనా అడిగితే ఒట్టుబెట్టు

మహేశా . . . . . శరణు

శివోహం

మనసు ప్రతికూల పరిస్తితులలో

పరమౌషధం మన శివదేవుని నామము...

అన్ని దిక్కులా విశ్వమంతా వ్యాపించి యున్న శివదేవుని స్మరిద్దాం తరిద్దాం...

ఓం శివోహం... సర్వం శివమయం.

శివోహం

శివా!బయటకి వస్తే చూద్దామని  నేను

లోపలకి వస్తే కనబడదామని నీవు

ఎదురు చూపులే ఇద్దరివీ

మహేశా . . . . . శరణు .

 శివా!నన్ను చూసి పిచ్చివాడని నవ్వుకోకు

నాకు పట్టుకుంది  నీ పిచ్చే వేరనుకోకు

ఆ పిచ్చి ముదిరిపోనీ నీ చిచ్చు రగిలిపోనీ

మహేశా  .  .  .  .  .  శరణు  .

 శివా!నందినెక్కక నడచి వచ్చావేమిటి

నా మోపునెక్కి తిరగగ మనసు తిరిగిందా

అంతకన్న భాగ్యమా అధివసించవయ్యా

మహేశా  .  .  .  .  .  శరణు. .

శివోహం

గమనం నువ్వే...

గమ్యం నువ్వే

అది నువ్వే...

అంతం నువ్వే

స్వర్గం నువ్వే...

నరకం నువ్వే

జననం నువ్వే...

మరణం నువ్వే...

అంతయు నీవు...

అంతిమన అక్కున చేర్చు అనంత లోకం కాశిక  పురాధీశుడవు నీవే శివ...

ఓం శివోహం... సర్వం శివమయం