శివోహం

భగవంతునిపై భక్తునికున్న ఆరాధనే కాదు,

భక్తునిపై భగవంతునికున్న అనుగ్రహం కూడా అనంతమే, అద్భుతమే.

భక్తులు ఎలా పిలిస్తే అలా పలుకుతాడు.

భక్తునికై పరుగులు తీస్తాడు.

భక్తుని మనోభావసుధను గ్రోలి భక్తునికై సేవకుడుగా మారతాడు.

తనని సేవించే భక్తులకై పరుగులు తీసే పరమాత్మను నామ స్మరణతో ప్రసన్నం చేసుకివాలి...

ఓం శివోహం... సర్వం శివమయం

శివోహం

శంభో...

నన్ను దిద్దుకో...

నీ దాసునిగా మలచుకో...

నీవాడిగా చేసుకో...

నేను నిన్ను మరిచిపోకుండా గుర్తు చేస్తూ...

నీ భక్తజనం లో ఒకడిగా నీవు నన్ను గుర్తు పెట్టుకో...

మహాదేవా శంభో శరణు.

శివోహం

శంభో...

నీవు మాకిచ్చిన ఆకలి అవసరాలు నిన్ను మరిచేలా

చేస్తున్నాయి.

ఆ పోరాటంలో నీ ధ్యాస తగ్గుతున్న మాట నిజమే...

నీవేమో ఆకలితో అలమటించే మమ్మల్ని చూడలేక

ఆహారం, నీరు, అగ్ని, గాలి రూపాలలో ఆకాశమంత అండగా కాపాడుతున్నావు...

మా కడుపు నిండాక నిన్ను మరచి నిదరోయినా సోహం ఊయలూపి నిదురిస్తున్నావు..

నీ ఋణం ఎలా తీర్చేది శివ...

రాత్రి నిదుర ఊపిరి నీకే అంకితం తండ్రి...

మహాదేవా శంభో శరణు.

శివోహం

ఇంత చక్కగా ఎలా ఉంటావు శివ... 

అంత ధ్యానము నీకేల జ్ఞానేశ్వరా...

గంగమ్మ నీ కొప్పున కొలువైనందుకా...

లేక నెలవంక నీ శిరస్సున ఉన్నందుకా...

పార్వతీదేవి నీ పక్కన ఆసీనురాలైనందుకా...

లేక హిమగిరులు నీ నివాసము ఐనందుకా...

మెడలోన నాగేంద్రున్ని ధరించినందుకా...

లేక కైలాసమే నీ క్షేత్రము ఐనందుకా...

మహాదేవా శంభో శరణు.

శివోహం

నానుదుట మూడు గీతలు గీసి పంపావు...

అందరూ నన్ను వీడిపోయినా...

నీతో అనుబంధం మరింత బలపడి..

నిత్యం నీనామస్మరణకు సావకాశం పెరుగుతుంది..

నీవు మాత్రం నన్ను వీడిపోబోకుమా శివ..

మహాదేవా శంభో శరణు.. 

శివోహం

ప్రదోష తాండవ శివుడు

ఆనంద నిలయుడు

నాట్య నాయకుడు

లాస్య లావణ్యుడు

భవసాగరం దాటించు భవుడు

భావనాతీతుడు భావరమ్య రమణీయుడు

శివ, శివా

హర, హరా

మహాదేవా శంభో శరణు.

శివోహం

మనిషి నిస్సందేహంగా జపధ్యానాలు చేస్తూ ఉండాలి...

భగవత్సాక్షాత్కారాన్ని పొందడానికి భగవదనుగ్రహం ఒక్కటే మార్గం...

మరో మార్గం లేదు.

తినుబండారాలు, కూరగాయలలాగా డబ్బుపెట్టి దేవుణ్ణి కొనవచ్చుననుకున్నావా?..

భగవంతుణ్ణి పొందడానికి ఇంత జపం చేశాను ఇంత తపస్సు చేశాను అని చెప్పడానికి...

భగవంతునికి ఎవరైనా విలువ కట్టగలరా?...

ఆయన అనుగ్రహం ఉన్నప్పుడే ఆయన లభ్యమవుతాడు...

ఆయన గుమ్మం ముందు ఓపికతో వేచివున్నవారికి

భగవంతుని అనుగ్రహం కలుగుతుంది...

ఓం శివోహం... సర్వం శివమయం