శివోహం

శంభో...

నువ్వు రచించే మాయలోని నీకిష్టమైన పాత్రలం మేము...

నువ్వు వచించే  మాటల్లోని అందమైన భావాలం...

నువ్వు దీవించే కాంతులలోని చైతన్య కిరణాలం...

నువ్వు ఒకడివి ఉన్నావని తెలిసినా తెలియదన్నట్టు తిరిగే అజ్ఞానులం...

మేమెలా ఉన్నా నువ్వు మాత్రం అలాగే ఉంటావు

మాలో మాకే అర్థం కాని నువ్వు లా...

మహాదేవా శంభో శరణు.

శివోహం

శంభో...

నీకు నాకు మధ్య ఎంత దూరం...

గుప్పెడంత గుండె దూరమే కదా...

నా గుండెలో నీవుంటే ఓం నమః శివాయ

నా ఊపిరిలో ఉంటే శివోహం

నా కళ్ళల్లో ఉంటే పరమేశ్వరా...

నిజంగా ఎంతో దూరంలో లేవు నీవు నాకు...

నాకు దారిచూపేందుకు నా దరిదాపులోనే ఉన్నావు కదా తండ్రి... 

మహాదేవా శంభో శరణు...

శివోహం

శంభో...

నా మనసు నీ తలపులపై నిలవగా...

నీ నామము మననంతో మౌనం అలవడి

అనుదినం నీరూపు రేఖల విభూతిని

అనుభూతిగా ఆనందించు చున్నావు..

అలాగే నా మదిలో స్థిరంగా నిలిచిపో...

మహాదేవా శంభో శరణు...

శివోహం

శివా!రానని కాదని అనగ వీలులేదు

నిను చేరుట అన్నది తధ్యము

అది నేడో రేపో అగోచరము

మహేశా.....శరణు..

శివోహం

దిన దినమూ ద్విగుణీకృతమయ్యే

దేహం మీదా వ్యామోహం నాకేలనయ్యా శివ...

నీ అఖండ వైరాగ్యాన్ని కాసింత విభూదిగా 

నా నుదుటిన రాయవయ్యా తండ్రీ...

మహాదేవా శంభో శరణు...

శివోహం

విడువ వలసినది నా అన్న భావము...

పట్టవలసినది శివ పాదము...

పొందవలసింది  శివ దామము ఎరుక కలిగితే దక్కును ఆ భాగ్యము...

ఎరుక లేకున్న వచ్చును మరో జన్మము...

మహాదేవా శంభో శరణు.

శివోహం

శివా!భాషించకుండా భాసించు చున్నావు

వీక్షించకుండా వివరించు చున్నావు

కాంక్షించకుండా కరుణించు చున్నావు

మహేశా . . . . . శరణు