శివోహం

అమ్మవు నీవు....

అమ్మలగన్న అమ్మవు నీవు...

జనవి నీవు.....

జగజ్జననివి నీవు......

తల్లివి నీవు.....

మల్లోకములనేలుతల్లివి నీవు....

మాతవు నీవు....

జీవకోటిని రక్షించు మాతవు నీవు....

అంబవు నీవు జగదంబవు నీవు.....

అమ్మ మాయమ్మ దుర్గమ్మ శరణు.....

శివోహం

కఠినం పఠనం జటిలం స్మరణం

తస్మాత్ జపే వారం వారం శివ చరణం

కఠినం జఠరశయనం జటిలం జరాశయనం

తస్మాత్ జపే వారం వారం శివ చరణం

కఠినం దివ్యనయనం జటిలం అంతిమపయనం

తస్మాత్ జపే వారం వారం శివ చరణం

కఠినం వచనం జటిలం నిర్వచనం

తస్మాత్ జపే వారం వారం శివ చరణం

కఠినం శ్లోకం జటిలం లోకం

తస్మాత్ జపే వారం వారం శివ చరణం

కఠినం రాగం జటిలం తాలం

తస్మాత్ జపే వారం వారం శివ చరణం

కఠినం నమకం జటిలం చమకం

తస్మాత్ జపే వారం వారం శివ చరణం

కఠినం దైవం జటిలం భూతం

తస్మాత్ జపే వారం వారం శివ చరణం

కఠినం జీవనయాత్ర జటిలం అంతిమయాత్ర

తస్మాత్ జపే వారం వారం శివ చరణం

కఠినం జననం జటిలం మరణం

తస్మాత్ జపే వారం వారం శివ చరణం

శివోహం

అంతులేని బంధనాల్లో మనిషిని యిరికించివేసి...

ఎన్నోవిధాలుగా యిబ్బంది పెట్టే ఆశల పాశాలను తునాతునకలు చెయ్యగలిగేది వైరాగ్యం...

వైరాగ్యం పదునైన కత్తి ఒక్కటే...

శివ నామ స్మరణ...

ఓం శివోహం... సర్వ శివమయం.

శివోహం

దైవంకోసం, దేవతానుగ్రహంకోసం ఎప్పుడూ ఎదురు చూడకుండా, బైటనుంచి ఎటువంటి సహాయం కోసం చూడకుండా, ఎప్పడూ దేనికీ ... ఎవరిమీద దేనిమీద దేనికోసం ఆధారపడకుండా, ప్రతిఒక్కరూ ప్రతిక్షణం తమను తాము ఏ అరమరికా లేకుండా, ఎటువంటి దురాభిమానం పక్షపాతం, స్వార్ధం లేకుండా, లోపల బైటా పరిశీలించుకోవాలి,పరీక్షించుకోవాలి,పరిశోధించుకోవాలి. పాపం, హింస, వాంఛ, మోహం, స్వార్ధం మొదలగువాటికి జీవనగమనంలో చోటులేకుండా, దయ, ప్రేమ, కరుణ, సమానత్వం కలిగి... అందరూ అంతా ఒకటే, సమానమే ఆన్న ఏకత్వభావంతో, దృఢసంకల్పంతో సాధన చేస్తూ సన్మార్గవర్తనులై జీవించాలి...

ఓం శివోహం.. సర్వం శివమయం

శివోహం

శివ శక్తి...  

శివుడే శక్తి...

చూసేవారికి రెండు

తెలుసుకున్న వారికి ఒకటి..

ఓం నమఃశివాయ శివాయై నమః

ఒకటే మంత్రం రెండుగా అనిపిస్తుంది

ఓం శివోహం... సర్వం శివమయం

శివోహం

శంభో...

ఎన్నిసార్లు మీ ముందర మోకరిల్లినా ఇచ్చిన ఋణం తీరిపోవునా...

ఎన్నిసార్లు చక్కని పూలతో అలంకరణ చేసినా చల్లని మీ చూపుల స్పర్శకు సాటిరాగలదా శివ...

విధిగా ఆలయ పరిసరాలు శుభ్రం చేసినా మీ సన్నిధిలో పొందిన మనశ్శాంతి మరెక్కడైనా దొరుకునా...

ఏది చేసిన,  ఏమి ఇచ్చినా అవన్నీ నీవు ఇచ్చిన భిక్షయే ప్రభూ....

మహాదేవా శంభో శరణు.

శివోహం

నా బాధలన్నిటికీ మూలకారణం నా స్వభావమే కానీ ఇతరుల స్వభావం కాదని తెలుసుకోవడానికి నేను చాలా కాలం తపస్సు చేయవలసివచ్చింది...

ఇక అందరినీ పవిత్రమైన మనస్సుతో ప్రేమించడానికి ఇంకెంత కాలం తపస్సు చేయవలసివస్తుందో...

మహాదేవా నీ దయ.

శివోహం

మనసు విరిగితేనే అహము పోయేది...

అహము పోతేనే అజ్ఞానం పోయేది...

అజ్ఞానం పోతేనే ఆత్మజ్ఞానం వెలిగేది...

ఆత్మజ్ఞానం వెలిగితేనే భ్రాంతి పోయేది...

భ్రాంతి పోతేనే బ్రహ్మము దరిచేరేది...

బ్రహ్మము దరిచేరితేనే బట్ట బయలయ్యేది...

బట్ట బయలైతేనే కదా బయటపడేది.

ఓం శివోహం... సర్వం శివమయం.

శివోహం

మనసు విరిగితేనే అహము పోయేది...

అహము పోతేనే అజ్ఞానం పోయేది...

అజ్ఞానం పోతేనే ఆత్మజ్ఞానం వెలిగేది...

ఆత్మజ్ఞానం వెలిగితేనే భ్రాంతి పోయేది...

భ్రాంతి పోతేనే బ్రహ్మము దరిచేరేది...

బ్రహ్మము దరిచేరితేనే బట్ట బయలయ్యేది...

బట్ట బయలైతేనే కదా బయటపడేది.

ఓం శివోహం... సర్వం శివమయం.

శివోహం

మాయ వదలదు...

ఎరుక వీడదు...

ఆశ ఆగదు...

వాసన పోదు...

వైరాగ్యం నిలవదు..

చింత చెదరదు...

నీ పై ధ్యానం కుదరదు.

మహాదేవా శంభో శరణు.

శివోహం

కష్టాలు ఎదురౌతున్నాయని కుమిలిపోకు. జన్మజన్మల దుష్కర్మల వలన వచ్చిన ఈ కష్టాలు మన పాపాల ప్రారబ్ధం నుండి విముక్తిని చేస్తున్నాయి. అలానే సుఖాలు దరి చేరాయని పొంగిపోకు. జన్మజన్మల సత్కర్మల పుణ్యం తరిగిపోతుందని గ్రహించు.  పుణ్యంను హరించే సుఖం కన్నా పాపాలను హరించే దుఃఖమే శ్రేయోదాయకమంటారు 

*శ్రీ  సుందర చైతన్యానందులవారు*

శివోహం

చిన్న పిల్లవాడు బొమ్మలతో ఆటలాడుకుంటు బొమ్మలే తన ప్రపంచంగా బ్రతుకుతాడు...

బొమ్మని ఎవరైనా లాక్కుంటే ఏడుస్తాడు ఎందుకంటే బొమ్మల ద్వారా పొందే ఆనందం విషయానందం...

పెద్దయ్యాక బొమ్మల మీద ఆసక్తి ఆకర్షణ ఉండదు ఎందుకంటే బుద్ధి వస్తుంది కాబట్టి బొమ్మలు శాశ్వతం కాదని తెలుస్తుంది...

మాయ బొమ్మవంటి ఆట ఇది...

నాటకమిది

నాల్గు ఘడియల వెలుగిది...

ఓం శివోహం... సర్వం శివమయం.

శివోహం

సంపద లెరుగను సొంపైన 

నీ నామంబుతప్ప....

ధనమును కాంచను ఘనమైన 

నీ రూపంబు తప్ప....

భవనములు ఎరుగను భవ్యమైన 

నీ చరణారవిందములు తప్ప....

కనకపురాసులు ఎరుగను కోమలమైన 

నీ కృపా కటాక్ష వీక్షణములు తప్ప....

మహాదేవా శంభో శరణు.....

శివోహం

శివా!నీ నామం నేను ఒకసారి పలుకుతుంటే

నా గుండెలో పలుమార్లు ప్రతిధ్వనిస్తోంది

రాయి అనుకున్న నా గుండె పలుకురాయైనేమో

మహేశా . . . . . శరణు .

శివోహం

మనసనేది ఎప్పుడు అంతమౌతుందో...ఆధ్యాత్మికత అప్పుడు ఆరంభం ఆవుతుంది. మన జీవిత ప్రయాణంతోబాటు ఆధ్యాత్మిక జ్ఞానం కొనసాగాలి. అంతేగానీ వృద్దాప్యంలో

నేర్చుకునేది కాదు. భక్తిలో ఉంటూనే

ధ్యానయోగం నిరంతరం కొనసాగిస్తూ ఉండాలి. అందుకు మన లక్ష్యం పెద్దదిగా

వుండాలి. భౌతిక ప్రపంచంలో ఉంటూనే

ఆధ్యాత్మిక జీవనాన్ని కొనసాగించవచ్చు. 

శివోహం

మానవుని దేహానికి శివం అని పేరు.

శివం అనగా మంగళకరం అని మరో అర్థం. సదాలోచనలు, సచ్చింతనలతో దేహాన్ని శివంగా మార్చుకోవాలే తప్ప దుర్భావాలు,దుశ్చింతనలతో దానిని శవంగా మార్చుకోకూడదు.

దేహనికి సార్థకతను చేకూర్చే కర్మలనే చేయాలి. అపుడే భగవంతుని అనుగ్రహం పుస్కలంగా పొందవీలవుతుంది.

ఓం శివోహం...సర్వం శివమయం.

శివోహం

శంభో!!!

నీ గురించి ఎంత చెప్పినా ఇంకా ఏదో చెప్పాలని తపన...

నిన్ను ఎంతసేపు చూసినా...

అలా చూస్తూ ఉండాలని కోరిక...

నీపై పదాలెన్ని అల్లినా మహా గ్రంధం

వ్రాయాలని ఉత్సాహం...

ఎలా తీరేను ఈ శివదాహం...

శివ నామామృతం ఒక్కటే మార్గమా...

త్రినేత్ర స్వరూపా మహాదేవా శంభో శరణు.

శివోహం

జీవుడు ప్రపంచాన్ని గురించి అనేక భ్రమలలో ఉంటాడు....

ఎందుకు, మనఃశాంతికి మార్గం తెలుసుకోలేకున్నాడు

క్షణం మోనం, క్షణం జ్ణానం ఎందుకు పనికొస్తుందంటాడు...

ఈ ప్రపంచం సత్యమనుకుంటాడు.

ఇందులోని వస్తువులు, విషయాలు, భోగాలు అన్నీ నిత్యమైనవి అనుకుంటాడు...

ఇవన్నీ తనకు ఎంతో ఆనందాన్నిస్తాయి అనుకుంటాడు....

అందుకే వీటికోసం అర్రులు చాస్తూ ప్రపంచంలోనికి పరుగులు తీసి, ఎన్నో కష్టనష్టాల కోర్చి వాటిని సంపాదించుకుంటాడు, అనుభవిస్తాడు

వాటివల్ల ఆనందం పొందినట్లే పొంది చివరకు దుఃఖాన్ని పొందుతాడు.

ఇక తన గురించి కూడా భ్రమలలో ఉంటాడు.

తాను దేహమే అనుకుంటాడు.

లేదా దేహాన్ని ధరించిన జీవుణ్ణి అనుకుంటాడు.

తాను సుఖాలు, భోగాలు అనుభవించటానికే పుట్టా ననుకుంటాడు.

తాను శాశ్వతంగా ఉంటాననుకుంటాడు. రోజూ ఎందరో చనిపోతున్న…

జీవుడు ప్రపంచాన్ని గురించి అనేక భ్రమలలో ఉంటాడు.

ఎందుకు, మనఃశాంతికి మార్గం తెలుసుకోలేకున్నాడు

క్షణం మౌనం, క్షణం జ్ణానం ఎందుకు పనికొస్తుందంటాడు

వీరిని మార్చే శక్తి నీకే ఉంది కదా పరమేశ్వరా...

శివోహం

నేను అనే ఆలోచన పుట్టిన తరువాతే, క్షణం, క్షణం మారే వేలకొద్ది ఆలోచనలు పుడుతున్నాయి. ఇన్ని ఆలోచనలకు మూలమైన, ఇన్ని ఆలోచనలను ఆలోచిస్తున్న ఈ ‘‘నేనెవరు’’ ను నిరంతరం ఆలోచిస్తే ఆ నిజమైన ‘‘నేను’’అనుభవమవుతుంది....

ఓం శివోహం... సర్వం శివమయం

శివోహం

కర్త నీవు

కర్మ నేను

క్రియ ?

నా, నీ...కానిది

నీ, నా...అయినది

నీవే నాకు అన్నీ పరమేశ్వరా

మహాదేవా శంభో శరణు.

శివోహం

శరీరమనే క్షేత్రంలో మంచిపనులను విత్తనములుగా చల్లి, భగవన్నామస్మరణమనే నాగలితో

నీ హృదయమే రైతై దున్నినట్లయితే

నీ అంతఃకరణలోనే భగవంతుడు ఉదయిస్తాడు...

ఓం శివోహం... సర్వం శివమయం

శివోహం

ఈ చరాచర సృష్టిని లయం చేసేవాడు శివుడు. ఆ మహాదేవుడు కరుణాంతరంగుడు. కోరిన వారికి లేదనకుండా వరాలిచ్చేవాడు. అందుకే భోళా శంకరుడిగా ప్రసిద్ధుడు. శివదర్శనం ముక్తిదాయకం. శివనామం కళ్యాణ కారకం. ‘శం’అంటే మేలు అని అర్థం. ‘కర’అంటే కూర్చువాడని అర్థం. ఎల్లరకూ మేలుచేయువాడు కాబట్టి ‘శంకరుడయ్యాడు’. ఆ స్వామి సర్వాంతర్యామి. భక్తితో ఆర్తిగా పిలిస్తే వచ్చి ఆదుకుంటాడు. అభీష్టాలన్నీ నెరవేర్చి అక్కున చేర్చుకుంటాడు. శివుడు అభిషేక ప్రియుడు.

భక్తితో రెండు చుక్కలు నీటిని విదిలిస్తే, అమితంగా సంతోషపడిపోతాడు. ఆ కారణంగానే ‘అభిషేక ప్రియ శివః’ అంటారు. శివుని శిరస్సుపై కాసిని నీళ్లు చల్లి, కొంత పత్రిని వేసినంత మాత్రాన కామధేనువు వారి ఇళ్ళల్లో గాటకట్టిన పశువవుతుందని, దేవతా వృక్షమైన కల్పతరువు వారి ఇళ్ళల్లోని పెరటిలో మల్లె చెట్టు అవుతుందని పురాణోక్తి.

ఆ దేవాది దేవునికి వివిధ ద్రవ్యాలతో చేసే అభిషేకం వివిధ ఫలితాలనిస్తుందని శాస్త్ర వచనం. లయకారుడైన పరమేశ్వరుడ్ని ఆవు పాలతో అభిషేకం చేస్తే, సర్వసౌఖ్యాలు సిద్ధిస్తాయంటారు. అలాగే ఆవు పెరుగుతో చేసే అభిషేకం కీర్తిని, ఆరోగ్యాన్ని, బలాన్నిస్తుంది. ఆవు నెయ్యితో అభిషేకంచేస్తే ఐశ్వర్యవృద్ధి జరుగుతుంది. తేనెతో చేసే అభిషేకం తేజస్సును వృద్ధి చేస్తుంది. పంచదారతో చేస్తే దుఃఖాలు నశిస్తాయి. ఈ పూజావిధులవల్ల ఇన్ని విశేషాలుండడంవల్లే ‘పంచామృతాభిషేకం’ విశిష్టమైన ప్రాధాన్యాన్ని సంతరించుకుంది. ధనం వృద్ధి పొందాలనుకునేవారు

స్వామిని చెరకు రసంతో అభిషేకించాలట. అలాగే సర్వసంపదలు వృద్ధిపొందడానికి కొబ్బరి నీళ్ళతో అభిషేకించాలని శాస్త్రాలు చెబుతున్నాయి. భస్మజలంలో అంటే విభూతిని నీటిలో కలిపి అభిషేకం చేస్తే మహాపాపాలు సైతం పటాపంచలైపోతాయట. పుష్పాలతో చేసే అభిషేకార్చన భూ లాభాన్ని, బిల్వ జలాభిషేకం భోగభాగ్యాలనిస్తుందంటారు.

అలాగే అపమృత్యుభయంతో బాధపడేవారు శివుని నువ్వుల నూనెతో అభిషేకం చేయాలట. రోజూ ప్రాతఃకాలంలోనే నిద్ర లేచి, శుచి శుభ్రతలను పాటించి, పరిశుభ్రమైన నువ్వుల నూనెను శివలింగంపై పోసి, మృత్యుంజయ జపాన్ని చేస్తే, సంతుష్టాంగుడైన ఆ పరమశివుడు అపమృత్యువునుంచి కాపాడతాడని శివపురాణం ద్వారా అవగతమవుతోంది. వైరాగ్యంతో జ్ఞానసిద్ధిని పొందాలనుకునేవారు నేరేడు పండ్లతో శివుని అభిషేకించాలి. శివుడు ఆదియోగి... ఆ స్వామి కరుణాకటాక్ష వీక్షణాలకు, జ్ఞాన సముపార్జనకు పాత్రులు కావడానికి నేరేడుపండ్ల రసంతో అభిషేకం ఉపయుక్తమవుతుందంటారు. స్వామిని పసుపునీళ్ళతో అభిషేకిస్తే సకల శుభాలు కలుగుతాయట. పసుపు శుభ సూచకం.

అలాగే శివుడు కూడా శుభప్రదుడు కావడంవల్ల పసుపు నీళ్ళతో చేసే అభిషేకం ఆ దేవాదిదేవుని సంతుష్టాంగుడ్ని చేస్తుందని శాస్త్రాలు చెబుతున్నాయి. చర్మ వ్యాధులు, రోగాలు కలవారు శివుని మామిడి పండ్లతో అభిషేకిస్తే చర్మవ్యాధులు మటుమాయమై, శరీరకాంతి ఇనుమడిస్తుంది. చర్మరుగ్మతలన్నీ పోయి, శాంతి సౌఖ్యాలు లభిస్తాయి. నవరత్న జలాభిషేకం ధన ధాన్య పశు పుత్ర లాభాన్ని, కస్తూరికా జలాభిషేకం చక్రవర్తిత్వాన్ని, ద్రాక్షపండ్లతో అభిషేకం కార్యక్రమ విజయాలను చేకూర్చి పెడుతుందట. అలాగే అన్నంతో అభిషేకం ఆయుష్షు పెరిగి, సుఖవంతమైన జీవనం సంప్రాప్తిస్తుంది.

సువర్ణోదకాభిషేకంవల్ల దారిద్య్రం పటాపంచలై, ఐశ్వర్య వృద్ధి కలుగుతుంది. రుద్రాక్షోదకంతో చేసే అభిషేకం ఐశ్వర్యాన్ని, గరిక నీటితో చేసే అభిషేకంవల్ల వస్తువాహన వృద్ధి కలుగుతుందని శాస్త్రాల ద్వారా అవగతమవుతోంది. అయితే ఆయా వస్తువులు, ఫలాలు, పుష్పాలు, రసాలతో చేసే అభిషేకం వల్లనే శివుడు సంతుష్టి చెందుతాడా? అనే ప్రశ్నకు సమాధానం ప్రశ్నలోనే దొరుకుతుంది. శివుడు మనోకారకుడు. ధర్మప్రబోదాత. ఎక్కడ ధర్మం నాలుగు పాదాల నడుస్తుందో అక్కడ కొలువై వుంటాడు. ఆత్మకారకుడైన ఆ స్వామిని, పాలంత స్వచ్ఛమైన మనస్సుతో అభిషేకిస్తూ, కోరినవన్నీ అనుగ్రహిస్తాడు. ఆత్మే అన్నింటికీ మూలం. ఆత్మతో చేసే పూజ సాక్షాత్తు ఆ పరమేశ్వరుణ్ణి చేరుతుందని పురాణ వచనం.

అందువల్ల మనోకారకుడైన ఆ మహాదేవుడ్ని నిశ్చల నిర్మలమైన మనస్సుతో అభిషేకించి పూజిస్తే సద్గతులు ప్రసాదిస్తాడు. జగద్గురువు ఆదిశంకరాచార్యుడు, భక్తకన్నప్ప, భక్త మార్కండేయుడు లాంటి ఎందరో భక్తులు శివుని నిర్మలమైన మనస్సుతో పూజించి, శివ కైవల్యాన్ని పొందినవారే. చివరికి శ్రీరాముడు సైతం శివుడ్ని భక్తితో పూజించి తరించాడు.

శివనామస్మరణం సర్వపాప హరణం... భక్తిముక్తిదాయకం... పవిత్రమైన మనస్సుతో శివనామస్మరణంతో చేసే పూజలన్నీ శివునికి చేరి ఆత్మబలం ఆత్మసిద్ధి కలుగుతుంది. ఆ మహాదేవుని కరుణకు పాత్రమవుతుంది.

శివోహం

దేవా నీవు కల్పించిన ధర్మాలివి   

కార్మా కర్త క్రియా చెయు ధర్మాలివి     

శాంతి కలవానికి పాపము రాదు   

విరక్తి కలవానికి భయం లేదు

గురుసేవ చేసేప్పుడు కోపం రాదు 

సత్య బోధకులకు దోషం ఉండదు...

పుట్టు బ్రహ్మచారికి బుద్ధి చెడదు 

ఆశ లేని వానికి అలుపు రాదు  

జ్ఞాన మున్నవానికి దుఃఖము లేదు 

మౌనం పాటిస్తె ఏది కలహం కాదు...

సమదృష్టికి చలించటం ఉండదు

నిర్మల మనస్సుకు లోపం తెల్వదు   

వేంకటేశా అనిన మాయ ఉండదు 

జీవితంలో సుఖమే భారం తెల్వదు...

ఓం శివోహం...సర్వం శివమయం.

శివోహం

శివా!నాలోనే ఉన్నా నీవు కానరావు

నేను నీలోనే వున్నా  ,నీవు తెలియరావు

నిన్ను తెలియనీయి ఆ తెలివినీయి

మహేశా . . . . . శరణు.

శివోహం

చెదరని చెంగల్వ పూదండ నీకు చిందేసి ఆడు...

రుద్ర,నమక,చమకాలు నీకు పరవశించి ఆడు...

కురిసేటి అక్షర వేద ఘోష నీకు ఆనందంతో ఆడు...

రావణబ్రహ్మ తాండవస్తోత్రాలు నీకు తాండవమే ఆడు...

మరు మల్లె, మారేడు అభిషేకాలు నీకు, తరియించి ఆడు...

మోమున బోలెడు భస్మం నీకు అఘోరావై ఆడు...

హఠయోగ పూజలు నీకు వికృత నృత్యమే ఆడు...

నడి నెత్తిన గంగా జలాభిషేకం నీకు శాంతమూర్తివై ఆడు...

రాణి పార్వతి సేవలు నీకు ప్రేమలో మునిగి చూడు...

వున్నావు కొలువై మామదిలోనే కరుణించి చూడు.

*సేకరణ*

శివోహం

రూపాలు ఎన్నో నామాలు ఎన్నో 

మార్గాలు ఎన్నో గమనాలు ఎన్నో 

బోధలు ఎన్నో కథనాలు ఎన్నో 

సాధనాలు ఎన్నో శోధనలు ఎన్నో 

కానీ ఉన్నది పరబ్రమ్మం ఒక్కటే 

తుదకు అందరి గమ్యం ఒక్కటే

ఓం శివోహం... సర్వం శివమయం.

శివోహం

నీకు భక్తి ముఖ్యం...

భక్తిలో నిజాయతీ ముఖ్యం...

ఆ ఒక్క అర్హతా ఉంటే...

పచ్చి విషమిచ్చినా ప్రేమగా తాగేస్తావు....

క్షీరసాగర మథనంలో హాలాహలాన్ని...

పుచ్చుకున్నదీ ఆ మమకారంతోనేగా...

మహాదేవా శంభో శరణు

శివోహం

ఈ అనంత సృష్టికి 

అందాన్ని ఇచ్చింది నువ్వు కదా శివ...

నీ చూపు సోకిన ప్రతి చోటు కైలాసమే...

మహాదేవా శంభో శరణు.

శివోహం

జన్మ జన్మలుగా మనం పోగుచేసుకున్న సంస్కారాలు. సంసారంగా భావించే ఈ సంస్కారాలే స్వస్వరూప దర్శనానికి అడ్డుగా ఉన్నాయి...

దేహభ్రాంతితో మనం సత్యంగా భావించేదంతా మాయ. సత్యం కాని విషయాలపట్ల జ్ఞానం, మిథ్యాజ్ఞానంగా ఉండటంవల్ల మనకు అవిద్యగా కనిపిస్తుంది...

అంతే తప్ప ఆత్మానుభవం కానీ వారే లేరని భగవాన్ శ్రీరమణమహర్షి స్పష్టం చేశారు...

అనుభవానికి అడ్డు వస్తున్న త్రిగుణాలు, వాసనా వికారాలు తొలగించుకోవాలి. అంతేగాని భౌతిక జీవనం దైవ దర్శనానికి ఏ రకంగా అడ్డుకాదు. జ్ఞానులు, యోగులకు కూడా భౌతిక జీవనం తప్పలేదు కదా ! సత్యాసత్యాలు ఒకేసారి అనుభవంగా ఉంటున్నా వాసనాబలం దేహస్మృతికే ప్రాధాన్యత ఇవ్వడంవల్ల సత్యం అర్ధం కావటం లేదు. బాహ్యంగా కనిపించే ఫలాన్ని గౌరవిస్తూ మూలమైన 

 విత్తనాన్ని పరిగణలోకి తీసుకోనరు.

సేకరణ:

శివోహం

భగవంతునికి భక్తునికి భేదం లేదు...

జీవాహంకారం ఉన్నంత వరకు జీవుడిలో భేదభావం కొనసాగుతూ ఉంటుంది...

ఆ జీవాహంకారమనే అడ్డు తొలగించుకుంటే భగవదైక్యమె.

ఓం శివోహం... సర్వం శివమయం.

శివోహం

అబద్దం...

అంతా అబద్దం...

బందాలు  అబద్దం...

నీ చుట్టూ బంధుత్వాలు అబద్ధం...

తరిగిపోయే వయసు అబద్దం...

కరిగిపోయే అందం అబద్దం...

నువ్వు అబద్దం నేను అబద్ధం...

నీ తనువు అబద్దం...

నీ బ్రతుకే పెద్ద అబద్దం...

పరమాత్మ ఒక్కటే నిజం.

ఓం శివోహం... సర్వం శివమయం

శివోహం

అమ్మా...

నాకు నీ మంత్రము తెలియదు...

నీ యంత్రమూ తెలియదు...

నిన్ను స్తుతించడమూ తెలియదు...

నిన్ను ఆవాహన చేయడమూ తెలియదు...

నిన్ను ధ్యానించడమూ తెలియదు...

నీ గాధలు చెప్పడమూ తెలియదు...

నీ ముద్రలూ తెలియవు...

ఇవేవి తెలియవని నీకోసం విలపించడమూ కూడా చేత కాదు...

కానీ, అమ్మా నీ దయ ఉంటే నా సమస్యలన్నీ సమసిపోతాయని మాత్రం తెలుసు...

ఓం శ్రీమాత్రే నమః

శివోహం

శివా!చేరువలో నీవని చెప్పుకున్నా గానీ

నీ చెంతకేలనో చేరలేకున్నాము

చేరనీయవయ్యా చేరువకావయ్యా

మహేశా . . . . శరణు .

శివోహం

నిన్ను చూడగలిగే జ్ఞాన నేత్రం ఉండాలే కానీ...

లోకాలన్నిటిలో నీవే నిలిచి ఉన్నావు సర్వేశ్వరా...

నిన్ను చూచే ఆ జ్ఞాననేత్రం ను నాకు ప్రసాదించు తండ్రి...

మహాదేవా శంభో శరణు...

శివోహం

శంభో...

నీ నామ స్మరణ చేయకపోతే...

నా మనసు అలసిపోతుంది పరమేశ్వరా...

రోజు ఇదే తంతు...

దయతో నన్ను కరుణించి దర్శనం ఈయవా శంకరా...

మహాదేవా శంభో శరణు...

శివోహం

భక్తి వలన ప్రయోజనం భగవంతుని అనుగ్రహం పొందడం...

భగవదనుగ్రహం వలన జనన మరణ రహితమైన ముక్తి కలగడం...

పరమశాంతి, శాశ్వతానందం అనె పరాభక్తి సిద్ధించడం...

సంసార దుఃఖం నుండి బంధం నుండి విముక్తి చెందదం.

ఓం శివోహం... సర్వం శివమయం.

శివోహం

శంభో...

మీదైన ఈ ఆటలో ఆడీ ఆడీ అలసిపోయిన దాసుడను నేను...

ఈ దాసుని ఆలనాపాలనా నా యజమాని గా భాధ్యతై నీదే శివ...

నీ పాదములను ఆశ్రయించిన ఈ దాసుని జీవితము రాబోవు ఆ అద్భుతము కోసం వేచి ఉన్నది ప్రభూ... 

మహాదేవా శంభో శరణు.

శివోహం

నాదో వింత ప్రపంచం...

నాకేమో అది అద్భుతం...

చూసేవాళ్లకేమో పిచ్చి ప్రపంచం...

నాకు నచ్చిందిగా అంతే...

నేను మెచ్చింది ఇంతే శివ...

ఎవరి పిచ్చి వారికి ఆనందం కదా శంభో....

మహాదేవా శంభో శరణు.

శివోహం

శంభో!!!ఈ మాయామోహ జగత్తులో...

సంసారం అనే సముద్రంలో వివశులై...

దారి తెలియని స్థితిలో ఉన్నవారికి...

అద్భుతమైన,జీవన మాధుర్యంతో బాటు...

మానవజన్మ ఉద్దరణకు కావలసిన  సద్గతిని ,సన్మార్గాన్ని ,సద్భావనతో తరించే భాగ్యాన్ని నువ్వే కలుగజేయాలి...

మహాదేవా

శంభో శరణు...

శివోహం

నీ అనంత భక్త జన కోటిలో....

ఓ నీటి బిందువును నేను...

అనంత విశ్వంలో ఓ రేణువులా నిను చేరితే...

ఈ జన్మకు అదే సార్ధకత కదా తండ్రి...

మహాదేవా శంభో శరణు...

శ్రీరామ

సీతారాముల జీవితం ఆదర్శప్రాయం...

నిజాయితీ, సన్మార్గానికి నిలువెత్తు నిదర్శనం.

శ్రీరామ

శ్రీరామ నామం పలికేటప్పుడు పాపాలు అగ్నిజ్వాలలో పడి దహించుకుపోతాయి

మానవులకు *రామనామ స్మరణ* మిక్కిలి జ్ఞానాన్ని, జన్మరాహిత్యాన్ని కలిగిస్తుంది.

శివోహం

సీతారాముల జీవితం ఆదర్శప్రాయం...

నిజాయితీ, సన్మార్గానికి నిలువెత్తు నిదర్శనం.

శివోహం

శివా!చిత్తాన నిను చేర చేరువే అనుకున్నా

 అంతరంగాన ఆ పయనం దూరాభారమే

సూక్ష్మాన్ని ఎఱిగించు ,లక్ష్యాన్ని చేరగ

మహేశా ..... శరణు.

శివోహం

నా దైనందిన జీవితంలో నేను ఎదుర్కునే యుద్ధాల్లో నేనే కృష్ణుడిని, నేనే అర్జునుడిని...

పంచభూతాలు, సప్త ధాతువులతో నిర్మితమైన నా శరీరమే రధము...

రధానికి కట్టిఉన్న శైబ, సుగ్రీవ, మేఘ, పుష్ప బలాహకములను నాలుగు అశ్వములు నా ఆలోచనలు...

అహం బ్రహ్మస్మి.

ఓం శివోహం... సర్వం శివమయం.

శివోహం

మనం చేసినా మంచి పనులకు మనం కర్తలమని గర్వించడం కూడా  తప్పే...

భగవంతుని దయవలన ఆ పని చక్కగా జరిగింది  -లేకపోతే నేను చేయగలిగే వాడిని కాదు...

అని అనడంలో నిజమైన గొప్పదనం ఉంటుంది

అతడి  మనం ఒక పరికరాలం  మాత్రమే...

శివుని ఆజ్ఞలేనిదీ  చీమ అయినా కుట్టదు...

అలాగే మనం చేసే  కర్మలు అతని ప్రేరణ వలన జరుగుతాయి అంతే కాని...

నేను చేశాను నా వల్లే ఇది జరిగింది నేను గొప్పవాడిని ఇలాంటి భావాలు  అహంకారాన్ని అహం పెంచుతాయి ఫలితంగా భగవంతుని దయకు కరుణకు దూరం అవుతాం

ఓం నమః శివాయ.

శివోహం

మనిషి జీవితం దుఃఖమయం

తల్లి గర్భంలో ఉన్నప్పుడు పూర్వ జన్మ జ్ఞానం ఉండడంతో అయ్యో పుణ్యం సాధన చేయకుంటిని అని దుఃఖిస్తాడు.

ఈ గర్భస్తు నరకం నుండి ఎప్పుడు

బయటపడితే మళ్ళీ పదార్థ ప్రపంచంలో పడతానని  దుఃఖిస్తాడు.

బయటకి రాగానే కన్నీళ్లు పెట్టుకుంటే పూర్వ జ్ఞానం పోయిందే అని  దుఃఖిస్తాడు.

తల్లి పాల కోసం ఆకలితో  దుఃఖిస్తాడు

శిశు ప్రాయంలో ఏది చెప్పాలన్నా  ఏడుపు తప్ప వేరే మార్గం లేదు.

బాల్యం వచ్చేసరికి విద్య బుద్ధులు

నేర్పించడానికి పాఠశాలకు పంపుతారు విషయం పెరుగుతుందని దుఃఖిస్తాడు.

యవ్వనం రాగానే ఆకర్షణ మొదలవుతుంది ప్రేమ కోసం దుఃఖిస్తాడు.

ఉద్యోగం రాలేదని దుఃఖిస్తాడు.

ఇక్కడ విచారణ చేయాలి ఎందుకు ఎలా జరుగుతోందని అప్పుడే జ్ఞానం కలుగుతుంది  అంతేకాని ఆత్మ హత్య చేసుకోరాదు.

పెళ్లి చేస్తే స్వేచ్ఛ పోయినదనిదుఃఖిస్తాడు.

భార్య బిడ్డలు మాట వినలేదని దుఃఖిస్తాడు.

పక్క వాళ్ళ కంటే మనం తక్కువగా ఉమ్నమని దుఃఖిస్తాడు.

వ్రిద్ధాప్యం వచ్చాక నవారు నన్ను చూడలేదని దుఃఖిస్తాడు.

ఆఖరికి మరణ సమయంలో కూడా ఈ వదలడం ఇష్టం లేక అందరి మీద మమకారం పెంచుకుని అయ్యో వాళ్లకు ఓ దారి చూపించకుండా పోతున్నానని దుఃఖిస్తాడు.

ఓం నమః శివాయ.

శివోహం

శక్తిహస్తం విరూపాక్షం శిఖివాహం షడాననం

దారుణం రిపురోగఘ్నం భావయే కుక్కుట ధ్వజం ।

స్కందం షణ్ముఖం దేవం శివతేజం చతుర్భుజం

కుమారం స్వామినాధం తం కార్తికేయం నమామ్యహం.

శివోహం

దివ్యమైన మోహనరూపం నా తండ్రిది...

ఎంత చూసిన తనివి తీరదు...

అప్ప అని తలిచినంతనే కలతలన్నీ బాపి కొండంత ధైర్యం ఇచ్చే దేవదేవుడు నా తండ్రి...

ఓం శ్రీ స్వామియే శరణం అయ్యప్ప

ఓం శివోహం... సర్వం శివమయం.

శివోహం

శివాలయం లేని నా ఉరని చిన్న చూపు చూడకు...

పూజగది లేని అద్దె ఇల్లు నాకే ఇరుకుగా ఉందని తొంగిచూసి గుమ్మం నుంచే వెళ్లిపోకు...

పై రెండు కన్నా నా హృదయం చాలా విశాలమైనది...

నా గుండె గూటినే కైలాసం చేసుకో పరమేశ్వరా...

కష్టాల కడలి దుఃఖం తో ఉబికి వస్తున్న నా కన్నీటి జలం తో నిత్యం అభిషేకించుకో...

మహాదేవా శంభో శరణు....

శివోహం

ఉన్నదీ ఉన్నది...

ఉన్నది నేను అయి ఉన్నది...

ఉన్నది ఇప్పుడూ ఉంది...

ఉన్నది మరణం తర్వాత ఉంటుంది...

ఉన్నదిలో ఉన్నది ఉండడంకోసమే సాధన...

ఓం శివోహం... సర్వం శివమయం.

                                                 - రమణ మహర్షి