ఓం

ఇంట్లో ఉన్నా అమ్మకే ఎన్నో పనులు ఎన్నో రూపాలు మరి జగములను ఏలే జగదేక మాత నికెన్ని రుపాలో కదా తల్లి.

అమ్మ నీ దయ ఉంటే అన్నీ ఉన్నట్టే.

అమ్మ

ఇంట్లో ఉన్నా అమ్మకే ఎన్నో పనులు ఎన్నో రూపాలు మరి జగములను ఏలే జగదేక మాత నికెన్ని రుపాలో కదా తల్లి.

అమ్మ నీ దయ ఉంటే అన్నీ ఉన్నట్టే.

శివోహం

అహం వల్ల ద్వేషం కలుగుతుంది...

ద్వేషం చాలా భారమైనది దాన్ని మీరు ఎంత త్వరగా వదిలించుకుంటే అంత ఆనందంగా ఉండగలరు...

ఓం నమః శివాయ.

శివోహం

శంభో...

నా మనసు స్వేచ్చాపశువు గా తిరుగుతోంది దానికి నీ లీలల పాశంతో కట్టివుంచు...

నీ నామ సంకీర్తన అనే మేత వేసి నా ప్రతి రోజూ జన్మ సార్థకం తెలియచేయు...

నా యజమానినీవే అనే స్మరణ తేవయ్య శివ.

మహాదేవా శంభో శరణు.

శివోహం

శంభో...

ఈ ఆట చాలా కాలం ఆడాను...

ఇంకెంత కాలం ఆడతాను?...

నేను ఎప్పటి నుంచో ఆడుతూనే వున్నాను....

ఎన్నో లక్షల జన్మల్లో ఆడుతూనే వున్నాను...

ఈ జననమరణాలనే ఆట ఆడుతూనే వున్నాను.

ఇకచాలు తండ్రి ఈ జన్మతో ఇక చాలు. 

మహాదేవా శంభో శరణు.

శివోహం

శంభో...

నేను చేసినా ఖర్మ ఫలం నా గుండె కోత కొస్తే....

నేను పలికే నీ నామా స్మరణ ముక్తి ఫలము నియ్యదా శివ...

ఖర్మపలం తెంచు నీ దారికి రప్పించు

మహాదేవా శంభో శరణు.

శివోహం

కష్ట, సుఖాలలో నాకు తోడుగా ఉన్న ఆత్మ బంధువు నీవే శివ...

నీ నామమే నను నడుపుతున్న బలం...

కృతజ్ఞతలు శివా!

మహాదేవా శంభో శరణు.

శివోహం

శివయ్యా

ఎవరిని తలస్తూ

ఉపాధి వదిలినా

వారి కోసం మళ్ళీ మళ్ళీ

జన్మించాల్సి వస్తుంది

నిన్ను తలచి ఉపాధి

వదిలితేనే

మరల మరల జన్మించాల్సిన

అవసరం రాదు

శివయ్యా నీవే దిక్కయ్యా

శివోహం

శివా!కొండలు గుండెలు బండలైననూ

వాటియందే నీవు వసియించేవు

ఆ బండరాళ్ళనే చేరి భాసించేవు

మహేశా . . . . . శరణు .

శివోహం

స్నేహితులు

సన్నిహితులు అంటే

సమస్యలలో

తోడుగా ఉండే వారు

బంధువులు అంటే

బాధలు కలిగినపుడు

అండగా ఉండే వారు

ఆత్మీయలు అంటే

ఆవేదన ఆందోళన

అపజయాలు కలిగినపుడు

నీడలా నిలిచేవారు

ప్రేమించే వారు అంటే

మనసుని నొప్పించని వారు

కన్నీరు రానీయక

వచ్చినా తుడిచివారు

అలా లేనపుడు

ఎందరు ఉన్నా

ఒంటరివే అని మరువకు

తోడుగా నీడగా

అండగా

సఖునిగా ఆ

మహాదేవుడు ఉంటే

అంతకన్నా మహాభాగ్యము

ఏమున్నది

ఎవరు తోడుగా రాకున్నా

ఎవరు నీడలా లేకున్నా

ఎవరు ప్రేమగా చూడకున్నా

మహాదేవుని ఒడిలో

సేద పొందేలా జీవిస్తే చాలు

@శివయ్యా నీవే దిక్కయ్యా

శివోహం

శివా! కాళ్ళకు అడ్డుగా ఉంటే తన్నుకుంటూపో

కంటిచూపుకి అడ్డుగ ఉంటే కాల్చి కుప్పను చేసేయ్

ఎదోలా నీ స్పర్శ అందితే ఒక పరి అదే సరి సరి

మహేశా  . . . . . శరణు .

శివోహం

కన్నయ్య లాంటి

స్నేహితులుంటే

కుచేలుడు కూడా 

కుబేరుడు కావచ్చు

కలికాలంలో

కుబేరుల వంటి స్నేహితులు ఉన్నా

కుచేలుడు

కుచేలుడు గానే

జీవితం ముగిస్తున్నాడు

శివోహం

శివా! కాళ్ళకు అడ్డుగా ఉంటే తన్నుకుంటూపో

కంటిచూపుకి అడ్డుగ ఉంటే కాల్చి కుప్పను చేసేయ్

ఎదోలా నీ స్పర్శ అందితే ఒక పరి అదే సరి సరి

మహేశా  . . . . . శరణు .

శివోహం

మాధవున్ని

అనుకుంటాము కానీ ...

మహాదేవుని మాయలో మునుగుతున్న

మాయాలోకపు మాయాబజార్ మహిమలివి ...

శివోహం  శివోహం

శివోహం

శంభో...

నా తప్పటడుగులను సరిచేసి...

నీ ముంగిట కట్రాడుకు నన్ను కట్టేయవా...

బాల్యచేష్టల నేను చేసిన ఇంకా చేస్తున్న...

పాపాల మూట ముడివిప్పి కాటిలో కాల్చి బూడిద చేసి హరించివేసి నీ కైలాసంలో నీ సన్నిధిలో ఓ మూల నన్ను కట్టేయవా

ఆ వేడి ఆవేదన మరచిపోతా

శివా! నన్ను చేరదీయవా...

మహదేవా శంభో శరణు.

శివోహం

ఈప్రపంచము నీవే మహదేవా...

ఇందులోని జీవ,నిర్జీవులు నీవే, తుది శక్తివీనీవే...

సగుణ, నిర్గుణ, నా తండ్రి, తల్లి నీవే...

ఓ పరమశివ నీవెంత గొప్పవాడివో వర్నించడానికి నేను చాలాసూక్ష్మజీవిని...

మహదేవా శంభో శరణు.

శివోహం

నీవే ఆకాశము 

నీవే ప్రకాశము

నీవే వాయువు 

నీవే ఆయువు 

నీవే అగ్నివి 

నీవే జ్యోతివి

నీవే జలము 

నీవే జగము 

నీవే ధాత్రివి 

నీవే ప్రధాతవి 

నీవే సూన్యము 

నీవే పూర్ణము 

నీవే సర్వము 

నీవే శరణ్యము

మహదేవా శంభో శరణు.

శివోహం

ఏ నిమిషమును నీదియు కాదు కాదు ,

నిజము తెలిపితే బతుకంత నీది నీది

ఏ కలము రాత నీదియు కాదు కాదు

నిజము హృదయము పట్టితే నీది నీది

శ్వాస నుండివచ్చేది ఊపిరియు కాదు 

విశ్వ మంతయు ఉన్నను కాదు నీది 

కర్మ లన్నీయు మర్మాలు కాదు కాదు  

ధర్మ మంతయు సంపద కాదు నీది

నీస్వ రములు నీవియు కానె కాదు కాదు     

నిన్ను ఆవహించే శక్తి కాదు నీది     

సంప దంతయు కష్టఫలమ్ము కాదు    

ఉన్న దంతయు పొందేది కాదు నీది

నీకు మాత్రమే తెలిసింది కాదు కాదు 

నీకు ఉన్నట్టి ప్రేమయు కాదు నీది

నీవు చేసేవి నిజముగా కాదు కాదు 

నీవు పొందే సుఖములన్ని కాదు నీది

శివోహం

అవును ఏదో ఒక నాడు నేను నా శాశ్వత చిరునామాకు వెళ్లిపోతాను...

కానీ...

నలువైపులా మీరు చిందే నవ్వులలో తడిసిన చిరు జల్లుల్లా అందరికీ కనిపిస్తాను...

శివుడి వైపు మీరు ఎంచుకున్న గమ్యం వైపు సాగే మీ బాట లో తడబాటు లేని అడుగుల జాడలలో కనిపిస్తా నేను...

నలుగురికీ మీరు పంచె ఆనందాల ప్రతిబింబాలలో

నలుగురికి చేయందించిన మీ సాయం లో నిస్వార్ధం నేర్పిన ఉనికిని నేనై కనిపిస్తాను...

నిరాశలో మీరు నింగి కేసి చూస్తే మీ కోసం నేనుంటాను...

ఏ కష్టాన్ని మీరు లెక్క చెయ్యకుండా మిలో ధైర్యం నిండేలా చల్లని వెన్నెల పై కురిపించే చక్కని చందమామ నౌతా

నిజంగా కడవరకూ మిలో జ్ఞాపకంగా ఉంటాను...

అవును నిజంగా నేను ఏదో ఒకరోజు నా శాశ్వత చిరునామాకు వెళ్లిపోతాను....

శివోహం

ఓంకారానికి మరో పేరు ప్రణవనాదం...

ఆ ప్రణవనాద స్వరూపుడు విఘ్నేశ్వరుడు...

జీవితంలో ఎదురయ్యే సర్వ విఘ్నాలు తొలగించి విజయాలను దరిచేర్చేవాడు ఓంకార దివ్యస్వరూపుడు గణనాథుడు.

సర్వ విఘ్నములను తొలగించే సిద్ది వినాయకుడు.  సత్వర శుభాలను ప్రసాదించే శుభంకరుడు విఘ్నేశ్వరుడు మీ అందరికి సకల సుఖాలు ఇవ్వాలని మనసారా కోరుకుంటూ.

ఓం గం గణపతియే నమః.

శివోహం

వదలను కాకా వదలను...

పట్టిన నీ పాదం గట్టిగా పట్టుకుంటా...

పట్టు పట్టారాదు పట్టు విడవరాదు...

విడవకుండా పట్టుకుంటా...

నిన్ను విడిచి పోవాలని లేదు...

శివ గణం లో నన్ను ఒకడిగా తీసుకువెళ్లు...

ప్రదమపూజిత విగ్నేశ్వరా శరణు.

శివోహం

మూలాధార దైవం సిద్ధి వినాయకుడిని స్మరించుకుంటూ అలాగే అన్న గారిని కార్తికేయ ను తలుచుకుంటూ...

సహస్రారం వరకూ ఓం నమఃశివాయ తో ప్రయాణం చేస్తూ...

అమ్మ ను దర్శనం చేసుకునే ప్రయత్నం అంతే...

ఆంత శివ మయమే కదా..

శివోహం

దేహమను క్షేత్రంలో భగవత్స్వరూప స్మరణ లేక ఆత్మభావనయు ప్రేమ అను జలాభిషేకమును

శాంతము, దయ, సత్యం, వైరాగ్యం, తపస్సు అనెడు పుష్పములను సర్వేశ్వరధ్యానానందం లేక భక్తితో మునిగిన హృదయామృతమగు నైవేద్యమును 

ఉన్నప్పుడే మానవజన్మ సార్ధకత లేనిచో మానవజన్మ వ్యర్ధం.

 

ఓం శివోహం... సర్వం శివమయం.

- మహర్షి సద్గురు శ్రీ మలయాళస్వాములవారు

శివోహం

*నీ జీవిత సహచరి ఎవరు?*

అమ్మనా?

నాన్ననా?

భార్యనా?

భర్తనా?

కొడుకా?

కూతురా?

స్నేహితులా?

బందువులా?

లేదు.ఎవరూ కాదు.!

నీ నిజమైన సహచరి ఎవరో తెలుసా?

*నీ శరీరమే!* 

ఒక్కసారి నీ శరీరం స్పందించడం ఆగిపోతే ఎవ్వరూ నీ దగ్గర ఉండరు గాక ఉండరు!!

నువ్వు అవునన్నా?కాదన్నా?ఇది కఠిక నిజం.!!!

నీవూ నీ శరీరం మాత్రమే జననం నుండి మరణం దాకా కలిసి ఉంటారు.

నీవేదైతే నీ శరీరం కొరకు భాద్యతగా ఏ పనైతే చేస్తావో అదే నీకు తప్పక తిరిగి వస్తుంది.

నీవెంత ఎక్కువ శ్రద్ధగా శరిరాన్ని బాగా చూసుకుంటావో,నీ శరీరం కూడా నిన్ను అంతే శ్రద్ధగా బాగా చూసుకుంటుంది.

నీవేమి తినాలి?

నీవేమి చేయాలి?

ఒత్తిడిని ఎలా ఎదుర్కోవాలి?

నీవెంత విశ్రాంతి తీసుకోవాలి?

అనేవి మాత్రమే నీ శరీరం స్పందనను నిర్ణయిస్తాయి.

గుర్తించుకో.!

నీ శరీరమొక్కటే నీవు జీవిస్తున్న చిరునామా.!!

నీ శరీరమే నీ ఆస్థి,సంపద.

వేరే ఏదీ కూడా దీనికి తులతూగదు.

నీ శరీరం నీ భాద్యత.!

ఎందుకంటే?

నీవే నిజమైన సహచరివి.!

కనుక జాగ్రత్తగా ఉండు.

నీ గురించి నువ్వు జాగ్రత్త తీసుకో.

డబ్బు వస్తుంది,వెళ్తుంది.

బందువులు,స్నేహితులు శాశ్వతం కాదు.

గుర్తుంచుకో.!

నీ శరీరానికి ఎవరూ సహాయం చేయలేరు.

ఒక్క నీవు తప్ప.!

ఊపిరితిత్తులకు- ప్రాణాయామం.

మనసుకు-ద్యానము.

శరీరానికి-యోగా.

గుండెకు-నడక.

ప్రేగులకు-మంచి ఆహారం.

ఆత్మకు-మంచి ఆలోచనలు.

ప్రపంచానికి-మంచి పనులు.

శివోహం

శంభో...

భౌతికమైన బంధాలన్నీ శాశ్వతం కాదని,

మొదలో,మధ్యలో,తుదలో 

వదిలి వెళ్ళిపోవాలని,వెళ్ళిపోతాయని

నీతో బంధం ఒక్కటే శాశ్వతమని తెలుసుకున్నా...

నీలో పుట్టి,నీతోడుగా పెరిగి,

నీలో చేరిపోయే నీ శిశువుని,

నువ్వే ఆలోచన,నువ్వే ఆచరణ

నువ్వే అంతా,నాబాట సరిచేసేది నీవంతు!

నీనామస్మరణ మాత్రమే నావంతు.

మహదేవా శంభో శరణు.

శివోహం

శంభో.

నీవుకూడా మాధవునిలా మాయలు చేస్తున్నావా ఎన్ని రూపాలలో ఉన్నావో ఎన్ని తావుల తిరుగుతావో ఎన్ని నామాల పిలువబడతావో ఎరుగకున్నాను...

బాహ్య ప్రపంచములో నీకై వెతికి వెతికి వేసారితిని కరుణించి కనికరించి నాలోనే నిన్ను దర్శించే భాగ్యాన్ని ప్రసాదించు...

జన్మ జన్మలలో నీకై పరితపించి అలసి పోతున్నాను ప్రేమతో వాత్సల్యంతో నాలోనే నిన్ను సేవించి తరించే మహాభాగ్యాన్ని వరంగా ఇవ్వు...

మహదేవా శంభో శరణు.

శివోహం

సంతోషపు సముద్రపు అంచున

ఆనందపు ఉశోదయాలు...

విషాదపు కొండల నడుమన

అస్తమిస్తున్న కష్టాలు.....

ఒక్కొక్కసారి అనిపిస్తుంది ఈ రోజు గడిస్తే చాలని....

మరోమారు అనిపిస్తుంది ఇలాంటి రోజుల్లో ఉండకూడదని....

నిన్ను తెలియ గోరితే నిమిషంలో కరుణిస్తావంటగా...

నీ శరణు పొందితే చేయిపట్టి నడిపిస్తావంటగా...

సదా నిన్ను భజియిస్తే అమ్మగా లాలిస్తావటగా....

మహాదేవా శంభో శరణు.....

శివోహం

ఈశ్వరా! నా మనస్సు ఒక పెద్ద దొంగ...

కట్టు తప్పుచున్న యీ దొంగను వైరాగ్యమనెడి త్రాళ్ళతో గట్టిగా బంధించి నీపాదములనెడి స్తంభములకు కట్టి పడవేసి వ్యామోహములు పోగొట్టి నన్ను ఆనందమును గలిగింపుము.

మహదేవా శంభో శరణు.

ఆధ్యాత్మిక భక్తి ప్రపంచం

శివోహం

హరి నామమే కడు ఆనంద కరము...

హరి నీ సాక్షాత్కారము సకల పాప హరణం...

హరి నీ దర్శనం ,భవరోగ నివారణం...

హరి నీ స్మరణం పూజనం ,సేవనం , జన్మ జన్మల పుణ్యఫలం...

ఓం నమో వెంకటేశయా

హరే గోవిందా...

ఓం నమో నారాయణయా నమః

హరే రామ హరే క్రిష్ణ

క్రిష్ణ క్రిష్ణ హరే హరే

శివోహం

అంతులేని బంధనాల్లో మనిషిని యిరికించివేసి, ఎన్నోవిధాలుగా యిబ్బంది పెట్టే ఆశల పాశాలను తునాతునకలు చెయ్యగలిగేది వైరాగ్యం...

వైరాగ్యం పదునైన కత్తి భక్తి ఒక్కటే.

ఓం శివోహం... సర్వం శివమయం.

శివోహం

శంభో...

నా బాధలో నీడవి నీవు

నా సంతోషంలో తోడువు నీవు

నా కష్టంలో భాగం నీవు

నా ఇష్టంలో భావం నీవు

నా మనసులో రూపం నీవు

నాలో మౌనం నీవు

నాలో శ్వాసే నీవు

నా హృదిలో వెలుగే నీవు

నా పయనం నీ పదసన్నిథికే

నన్ను దరిజేర్చుకొనేదీ నీవే

నా ఆరాధ్యదైవం నీవే

మహాదేవా శంభో శరణు.

శివోహం

నీ కృపా

కటాక్ష వీక్షణ

దయా భిక్ష ఆశీర్వాదాలతో ...

భుజించే ముందు 

కొన్ని మెతుకులు

ముందుగా సమర్పించడం

నీకు నైవేద్యమే కదా తండ్రీ ...

నిదురపోయే ముందు

నిన్నే తలచుకుంటూ మది

పాడుకునే పావననామం

నీకు పవళింపు సేవే కదా తండ్రీ ...

మేలుకొలుపులో

నిన్నే ఆరాధిస్తూ శ్వాసిస్తూ

హృదయం ఆలపించే గీతం

నీకు సుప్రభాతమే కదా తండ్రీ ...

ఇవన్నీ

నీవు సమకూర్చిన సుఖాలే తండ్రీ

నీవిచ్చిన ఈ సౌఖ్యాలను

నీకు సమర్పించడానికి కూడా ...

" సవా లక్ష సందేహాలు ఎందుకో "

ఓం శివోహం  సర్వం శివమయం.

శివోహం

*ఋణానుబంధం* 

అన్నిటిని పరిత్యజించి మోక్షానికి వెళ్లవలసిన ఒక యోగి, ఒకనాటి మండుటెండలో వెడుతూ ఎండకి ఓర్చుకోలేక,  ఒక చెప్పులు కుట్టే వాడు దారిలో పెట్టిన చెప్పులపై కొంత సేపు నిలబడ్డాడు.

ఆ మాత్రం నిలబడినందున, ఆ ఋణం తీర్చు కోవడానికి  మరుజన్మలో ధారానగరంలో పరమేశ్వరి, సోముడు - అనే దంపతులకు సునందుడు అను పేరుతో పుట్టాడు. 

జాతకం చూపిస్తే,  పెద్దలు ఆ తలిదండ్రులకు ఒక హెచ్చరిక చేస్తారు. 

ఈ బాలుడు మీకు చాలా చాలా తక్కువ రుణపడి ఉన్నాడు. 'వాడి చేతి నుంచి పైసా కూడా తీసుకోకండి. అతడికి మీరే అన్నీ ఇస్తూండండి' అని చెప్తారు. 

నాటినుంచీ తల్లిదండ్రులు వానినుంచి ఏమీ ఆశించకుండా పెంచుతారు. 

పూర్వజన్మ గుర్తున్నందున ఆపిల్లవాడు వారి రుణంతీర్చే ప్రయత్నం చేస్తూనే ఉంటాడు. 

ఒకరోజు రాత్రి రాజభటుడైన తన తండ్రికి బదులుగా 

తాను రాజనగరుకు కాపలా కాయవలసి వచ్చింది. 

అపుడు ప్రతి జాముకీ ఒకసారి ఆ యువకుడు నగరప్రజలను హెచ్చరిస్తూ హితవు ఒకటి చెబుతుండే వాడు. 

రాజుగారు మారువేషంలో తిరుగుతూ ఇవన్నీ విని ఇతడు సామాన్యుడు కాడని గుర్తిస్తాడు. 

మరునాడు స్వయంగా అతడి ఇంటికి వెళ్లి రాత్రి తాను అన్నీ విన్నాననీ, తన మనసు ప్రశాంతి పొందిందనీ అంటాడు. 

పళ్లెంలో వెంట తెప్పించిన ధనాన్ని అతడికి అందిస్తాడు. 

అతడు వెంటనేె ఆ ధన రాశిని తల్లికి ఇవ్వగా ఆమె పుత్రోత్సాహంలో,  నియమం మరచి ఆ పళ్లెం అందుకుంటుంది. 

వెంటనే అతడు తనువును విడిచి ముక్తి పొందుతాడు. 

తలిదండ్రులు దుఃఖిస్తే రాజు ఆ యువకుడు రాత్రి కావలి సమయంలో చెప్పిన ఈ క్రింది ఉపదేశాలు వినిపించి ఓదారుస్తాడు : 

1. మాతా నాస్తి, పితా నాస్తి, 

నాస్తి బంధు సహోదరః| 

అర్థం నాస్తి, గృహం నాస్తి, 

తస్మాత్ జాగ్రత  జాగ్రత|| 

తా:- తల్లి, తండ్రి, బంధువులు, అన్నదమ్ములు, ధనము, ఇల్లు ఇవి అన్నియు మిధ్యయే. ఇవి ఏవియు నిజముగా లేవు. 

కావున ఓ మానవులారా, సావధానులై ఉండండి. 

2. జన్మ దుఃఖం, జరా దుఃఖం, 

జాయా దుఃఖం పునః పునః| 

సంసార సాగరం దుఃఖం 

తస్మాత్ జాగ్రత  జాగ్రత|| 

తా:- ఈ జన్మ, వృద్ధాప్యము, భార్య, సంసారము ఇవన్నియు దుఃఖ భరితములు. తిరిగి మళ్ళీ మళ్ళీ వస్తూనే ఉంటాయి. 

కావున ఓ మానవులారా, సావధానులై ఉండండి. 

3. కామః  క్రోధశ్చ, లోభశ్చ 

దేహే తిష్ఠతి తస్కరాః| 

జ్ఞాన రత్నాపహారాయ 

తస్మాత్ జాగ్రత  జాగ్రత|| 

తా :-  కామము, క్రోధము, లోభము మొదలైన అరిషడ్వర్గములు మనలోని జ్ఞానమనెడు  విలువైన రత్నములను దొంగిలించుటకై మన దేహమునందు దాగియున్నదొంగలు. 

కావున ఓ మానవులారా, సావధానులై ఉండండి. 

4. ఆశయా బధ్యతే జంతుః 

కర్మణా బహు చింతయా| 

ఆయుక్షీణం న జానాతి 

తస్మాత్ జాగ్రత  జాగ్రత|| 

తా:- ఈ మనుష్యులు ఎల్లప్పుడూ ఏదో ఆశకు, కర్మకు కట్టుబడి ఏవేవో ఆలోచనలతో,  జీవితాలు 

గడుపుతుంటారు. ఆయుర్ధాయం తరిగిపోతుందన్న 

విషయాన్ని గమనించరు. 

కావున ఓ మానవులారా, సావధానులై ఉండండి. 

5. సంపదః స్వప్న సంకాశాః 

యౌవనం కుసుమోపమ్| 

విధుఛ్చచంచల ఆయుషం 

తస్మాత్ జాగ్రత  జాగ్రత|| 

తా:- మన సంపదలన్నియు ఒక కలవంటివి, అంటే అశాశ్వతాలు.  యౌవనం పూవుతో సమానం అంటే ఎపుడు వాడి నశిస్తుందో తెలియదు. ఆయుష్షు మెరుపుతీగవలె చంచలమైనది.  

కావున ఓ మానవులారా, సావధానులై ఉండండి. 

6. క్షణం విత్తం, క్షణం చిత్తం, 

క్షణం జీవితమావయోః| 

యమస్య కరుణా నాస్తి 

తస్మాత్ జాగ్రత  జాగ్రత|| 

తా:- ధనము, బుద్ధి, జీవితము ఇవన్నియు క్షణభంగురములు. మన ప్రాణములను హరించుటకై వేచియున్న యముడు ఏ మాత్రము దయ జూపడు. కావున ఓ మానవులారా, సావధానులై ఉండండి. 

7. యావత్ కాలం భవేత్ కర్మ 

తావత్ తిష్ఠతి జంతవః| 

తస్మిన్ క్షీణే వినశ్యంతి 

తత్ర కా పరివేదన|| 

తా:- ప్రపంచంలో తమ కర్మబంధము ఎంతవరకు ఉంటుందో,  అంతవరకే ప్రాణులు జీవిస్తాయి. ఆ కర్మబంధం వీడిపోగానే మరణిస్తారు. జననమరణాలు జీవుని ధర్మము. దానికి బాధపడటం ఎందుకు. 

8. ఋణానుబంధ రూపేణ 

పశుపత్నిసుతాలయః| 

ఋణక్షయే క్షయం యాంతి 

తత్ర కా పరివేదన|| 

తా:- గత జన్మ ఋణానుబంధము ఉన్నంతవరకే భార్య, సంతానం, ఇల్లు, పశువులు ఉంటాయి. ఆ బంధం తీరగానే ఇవన్నీ నశించిపోతాయి. అందుకు వ్యథ చెందడ మెందుకు. 

9. పక్వాని తరుపర్ణాని 

పతంతి క్రమశో యథా| 

తథైవ జంతవః కాలే 

తత్ర కా పరివేదన|| 

తా:-  పండిన ఆకులు చెట్టునుండి ఆకులు ఏ విధముగా రాలిపోవునో అదే విధముగా ఆయువు తీరిన వారు మరణింతురు. దానికై దుఃఖించుట ఎందులకు? 

10. ఏక వృక్ష సమారూఢ 

నానాజాతి విహంగమాః| 

ప్రభతే క్రమశో యాంతి 

తత్ర కా పరివేదన|| 

తా:-  చీకటి పడగానే అనేక జాతులు పక్షులు ఒకే వృక్షం 

ఆశ్రయించి విశ్రమిస్తాయి. తెల్లవారగానే ఆ పక్షులు 

అన్నీ చెట్టును విడచి తమతమ ఆహార సంపాదనకు 

వెళ్ళిపోతాయి. అదే విధంగాబంధువులతో కూడిన 

మానవుడు కాలమాసన్నమైనపుడు తన శరీరాన్ని 

ఇంటిని వదలి వెళ్ళిపోతాడు. అందుకు బాధపడ 

నవసరములేదు. 

11. ఇదం కాష్టం ఇదం కాష్టం 

నధ్యం వహతి సంగతః| 

సంయోగాశ్చ వియోగాశ్చ 

కా తత్ర పరివేదన|| 

తా - ప్రవహించే నదిలో రెండు కట్టెలు దగ్గరకు చేరతాయి. కొంతదూరం కలిసి పయనిస్తాయి తరువాత విడిపోతాయి. అదేవిధంగా మానవుడు ఈ ప్రపంచ ప్రవాహంలో కొంతకాలం సంయోగసుఖమును, మరికొంతకాలం వియోగదుఃఖమును అనుభవిస్తాడు. దానికి పరివేదన చెందనవసరములేదు. 

ఈచివరి శ్లోకం భార్యభర్తల గురించి సంకేతంగా చెప్పినదే! ఒక అమ్మాయి,ఒక అబ్బాయి వేరు వేరు కుటుంబాలలో జన్మిస్తారు. వీరిద్దరు జీవితమనే నదిలో కలుస్తారు. కొంతకాలం కలిసి బతుకుతారు. కాలం సమీపించడంతో ఒకరు కైవల్యం చెందుతారు, మరొకరు ఉండిపోతారు మరికొంతకాలం. ఇది సహజం మరియు సృష్టి క్రమం.

ఇందులో  వేదన ఉండదని చెప్పలేదు. వేదన పడవద్దనీ చెప్పలేదు. సృష్టి సహజంగా వేదన తప్పదు. అందునా ఇద్దరు చాలా సంవత్సరాలు కలిసి జీవించిన వారిలో ఒకరు జారిపోతే మరొకరు వేదన పొందక ఎలా ఉండగలరు? సహజమైన వేదనను అడ్డుకోలేం. దానిని అనుభవించవలసినదే! 

మరి పరివేదన పనికిరాదన్నారు. వేదనకి, పరివేదనకి తేడా ఉంది. వేదన సహజాతం.  దానిని అను భవించాలి, పరివేదన అలాకాదు, మనం తలుచుకుని తలుచుకుని వేదన చెందడాన్నే పరివేదన అంటారు. ఈ పరివేదన పనికి రాదన్నారు. 

 యఇది సహజం, సృష్టి క్రమం సుమా! ఏడిస్తే పోయినవారు తిరిగొస్తారా? రాగలరా? సాధ్యమా? సృష్టి క్రమం ఇలాగే జరుతుంది, వేదన తప్పదు, పరివేదన పడకు అన్నారు.

మానవులలో చాలా రకాల బంధుత్వాలున్నాయి, కాని భార్యాభర్తలది ప్రత్యేక బంధం, ఇటువంటిది మరొకటి లేదు. అందుకే వీరిగురించి మాత్రమే ప్రత్యేకంగా ఉదహరించి చెప్పేరు. దంపతులిద్దరూ ఒకసారి పోరు, ఎవరి సమయమొస్తే వారు జారిపోతారు, రెండవవారు మిగిలిపోతారు,కొంతకాలం, ఒంటరిగా. 

ఇది అందరు భార్యభర్తలకీ జరిగేదే! 

ఇది సహజ పరిణామం,సృష్టి క్రమమమని చెప్పి ఓదార్చడమే లక్ష్యం.

ఆధ్యాత్మిక భక్తి ప్రపంచం

శివోహం

సమస్త దేవతా సమూహము 

చేత పూజించ బడెడి దేవదేవా

నీకు వందనములు....

ఆధ్యాత్మిక భక్తి ప్రపంచం

శివోహం

శంభో...

సంసారం అనే ఊబి లో చిక్కుకు పోయాను...

ఏం చేయము ఇందులోనే ఉన్న సుఖ దుఃఖాలే స్వర్గం అనీ భావిస్తూ...

బావిలో కప్పల వలె అజ్ఞానం అనే చీకటి నూతిలో బ్రతుకు ఈడుస్తు బ్రతుకుతూ ఉన్నాను శంకరా...

జననం నుండి మరణం వరకూ ఇలా ఎంతకాలం ఈ వలయం లో భ్రమిస్తూ ఉండాలో తెలియదు...

నీ మూడో కన్ను తెరచి కాముడుని చిత్తు చేసి నీ దరికి చేర్చుకో...

మహాదేవా శంభో శరణు.